Monday, February 25, 2008

سوالف

كــــل عــــام وانـتوا بخـير


وكــل عام وأهــل الكويت بخير


وكـــل عام وديرتنــا الغاليه بألف خير


يوميـــــــــــــــــــــــــاتي



يوم الأحـــــــد





وانا طالعه مع رفيجتي نتمشى بالغلط طلعنا على شارع الخليج





طبعا الدوريات فلللللل عند كل اشاره قريه من الدوريات





وقفنا عند الاشاره والا علم طايح تقريبا تقريبا قريب من الدوريه





طبعا انا عيوني طاحت عليه وحدي انقهرت والاشاره شوي وتبطل





قلت اللي فيها فيها نزلت وشلت العلم من الارض واسمع طاااااااااااااااااط





طاااااااااااااااااط رفيجتي تقول خلصيني والله صعدت السياره وقلبي متقطع





العلم ماكو سياره مو دايسه عليه ومتقطع :((((





والازدحااااااامات واي واي وانا حدي خايفه كل شوي اشوف الباب



مسكر والا لا اخاف احد يبطله ويرشني واصير بابا نويل



بس الحمد لله ما حاشنا ولا شي انحشنا



رحنا سوق المباركيه وشريت كل شي على علم الكويت حتى شباصات ;p



المهم رديت البيت والا امي جدامي اشوفها تتحلطم



والا مخالفين اخوي عشان سيارته مظلله



وطبعا اخوي اكيد ماكو مسيره باجر ;p



الوالده بدعت خذت مفتاح سيارته



-------------------------


طبعا انا قاعده اليوم فبيت رفيجتي


والا الحريم يتحلطموون



الاولى تقول وين قاعدين الشباب يرقصون


الثاني تصفق وتقول اي والله حتى البنات ينزلون من السياره ويرشون هذا الفوم


المفرووض ماكو مسيره



جان اقول لهم



ليش يبا العيد الوطني حق الكبير ولصغير



حق البنت والولد



وهذه عيد الوطني والتحرير والكل يفرح



مو عاجبهم كلامي مصممين ما يبون مسيره



مع ان انا اشوف ان وايد وناسه لكويت كلها تلتقي بشارع واحد



وفرحتنا وحده



انا مارحت المسيره :(ولا شفت شي يقولون المسيرات بصبحان؟؟


صج؟؟رحتوا والا لا؟؟



ادري قرقت قلت اغير مجال السياسه وادخل بالوناسه شوي



اتمنى لكم اجازه سعيده وعيد وطني اسعد انشالله



strawberry











Wednesday, February 20, 2008

مواضيع شدتني تو الليل....سكوووب سنتر

شدني برنامج تو الليل اللي يعرض في


alwatan-plus


الساعه 10:30 مساءا




وكان موضوعهم عن منع الاختلاط في جامعة الكويت


بحضور د:رولا دشتي والمحامية:اسراء المعتوق وهي ايضا صحفيه بجريدة الوطن


طبعا د:رولا دشتي كانت رافضه منع الاختلاط وبالمقابل المحاميه:اسراء مع قانون


منع الاختلاط وتؤيده 100%لأسباب راح اذكرها الحين


طبعا الدكتورة رولا دشتي عجبني ردها واايد وايدلأنها رافضه ان اي احد يتكلم عن


طالبات وطلاب دولة الكويت بشكل سيء مثال على كلامها المقاله اللي انتشرت قبل


اسبوع تقريبا عن الزنى وعن اللقطاء والتحرشات الجنسيه وغيره وغيره اشياء وايد


وهذي كانت مبادرة وايد حلوة منها واشكرها عليها


بينما المحامية اسراء المعتوق اللي


اهيه مع قانون منع الاختلاط رافضه ان حتى تكون مدارس خاصه مشتركه في دولة


الكويت مع ان هذا خارج نطاق الموضوع لأن احنا نتكلم عن الجامعه وهذا الشيء راجع


للأسره في نفسها اذا الاسره حابه تدخل عيالها مدرسه خاصه او الانجلش سكووول


وتقول ان:الطلاب والطالبات اللي يتخرجون من المدارس الخاصه تكون عاداتهم غربيه


اكثر وطبايعهم غربيه وانهم يدرسوون عن الدول الاخرى وحضاراتها اكثر من انهم


يتعلمون عن دولة الكويت وتاريخها العريق والحضاري


وانا من منظوري الشخصي ارى


ان كل اللي قالته ماله شغل بمنع الاختلاط ولا اهو سبب عشان يمنعون الاختلاط او



يفصلون طلاب المدارس الخاصه وبالأخير اختمت البرنامج المذيعه ناديه في سؤال


للمحاميه اسراء



ناديه:بوجه سؤال للأخت اسراء المعتوق


المحاميه:تفضلي


ناديه:سمعنا ان انتي متزوجه من قاضي




المحاميه:اي نعم





ناديه:وهذا القاضي كان زميلج بالجامعه المختلطه وانتي الان رافضه هذا الشي



المحاميه:اوكي هذا شكو


بالموضوع:)))))) كلششششش ما عندها رد توهقت حدها حللت على روحها انها


تدخل جامعه مختلطه والان رافضه هذا الشيء؟؟؟؟صج تناقض وماكن لوجودها


بالبرنامج اي هدف ولا حلت اي شيء وماكان لها اي تأثيرطبعا انا بديت رايي وحابه

اعرف رايكم انتوا؟؟


--------------------------------------------------------------------------

وفي قناة سكوووووب

طبعا انصدمت من شيء لأول مرة اشوفه

اختطاف الطائره الكويتيه من قبل عماد مغنيه ورمى بجثتي مواطنين كويتيين بعد قتلهما


من فوق الطائره شفت بعيوني :((( بالذمه منو الشهيد الحين؟؟؟؟؟


اللي اختطف الطياره اللي الناس تبجي عليه استغفر الله


والا المساكين اللي انقطوا من فوق الطياره؟؟؟؟؟



وين الولااااااء للدولة الكويت؟؟؟



وين حبكم لديرتكم؟؟؟؟



مهما يكون هذا الشخص اللي ذابحين رووحكم عليه هذا خان الكويت



وعيال الكويت ما يعرفون شي اسمه خيانه


كليتوا من هالديره وتربيتوا فيها ودرستوا فيها وماقصرت وياكم


اخر شي شنو؟؟؟تجازونها جذي؟؟


ماقول اللا الله يرحم شهداء الكويت ويسكنهم فسيح جناته


وياخذ كل خاين انشالله

strawberry

Saturday, February 16, 2008

مبطوطه جبدي



بصراحة انا من قريت الكلام اللي كاتبه أخوي العزيز










eng-q8












وانا حدي متنرفزة عن منع الاختلاط






كل يوم طالعين لنا بموضوع لوعوا جبودنا ما بقى شي بهالديره






مسكين ارتفع ضغطة والسبه انتوا كل يوم حاط لنا مصيبه وانا بس قاعده وانصدم وياه






نبي يووووووووم نقول والله صار شي بالديرة زين والله






ماكو نسولف بروحنا ونحط حلول شنو ماكو احد يسمع؟






ما في احد يستوعب اللي قاعد يصير بالديره؟؟






خليتوا كل شي الحين والمصايب والبلاوي اللي بالديره وييتوا حق الجامعه؟؟؟






والله الواحد شنو يقول غير الله يساعدنا على اللي قاعد يصير


ويحفظ ديرتنا من كل شر












strawberry




Monday, February 11, 2008

valentines day






valentines day







الاسم:عيد الحب






التاريخ:14-2






البعض منا يحتفل بهاليوم على انا عيد حب وعيد تبادل المشاعر والهدايا



بس تدرون شنو مناسبة هاليوم؟؟؟




إن فالنتاين هذا قسيس نصراني عاش في القرن الثالث الميلادي




وأن عيد الحب ما هو إلا احتفال ديني خالص تخليدا لذكرى إحدى الشخصيات النصرانية




أن القسيس فالنتاين كان يعيش في أواخر القرن الثالث الميلادي تحت حكم الإمبراطور الروماني كلاوديس الثاني . وفي 14 فبراير 270 م قام هذا الإمبراطور بإعدام هذا القسيس الذي عارض بعض أوامر الإمبراطور الروماني




قد لاحظ الإمبراطور أن هذا القسيس يدعو إلى النصرانية فأمر باعتقاله ، وتزيد رواية أخرى أن الإمبراطور لاحظ أن العزاب أشد صبرا في الحرب من المتزوجين الذين يرفضون الذهاب لجبهة المعركة ابتداء فأصدر أمرا بمنع عقد أي قران ، غير أن القسيس فالنتاين عارض هذا الأمر واستمر بعقد الزوجات في كنيسته سرا حتى اكتشف أمره وأمر به فسجن . وفي السجن تعرف إلى ابنة لأحد حراس السجن وكانت مصابة بمرض فطلب منه أبوها أن يشفيها فشفيت _ حسب ما تقول الرواية _ ووقع في غرامها ، وقبل أن يعدم أرسل لها بطاقة مكتوبا عليها ( من المخلص فالنتاين ) وذلك بعد أن تنصرت مع 46 من أقاربها





انا حبيت اعطيكم فكره عن هالموضوع مو اني ضده او شي :))وانتوا احرار


وكل عام والكويت اهيه الحب وكل عام وامي اهيه احلى حب بدنيتي



strawberry