Monday, February 25, 2008

سوالف

كــــل عــــام وانـتوا بخـير


وكــل عام وأهــل الكويت بخير


وكـــل عام وديرتنــا الغاليه بألف خير


يوميـــــــــــــــــــــــــاتي



يوم الأحـــــــد





وانا طالعه مع رفيجتي نتمشى بالغلط طلعنا على شارع الخليج





طبعا الدوريات فلللللل عند كل اشاره قريه من الدوريات





وقفنا عند الاشاره والا علم طايح تقريبا تقريبا قريب من الدوريه





طبعا انا عيوني طاحت عليه وحدي انقهرت والاشاره شوي وتبطل





قلت اللي فيها فيها نزلت وشلت العلم من الارض واسمع طاااااااااااااااااط





طاااااااااااااااااط رفيجتي تقول خلصيني والله صعدت السياره وقلبي متقطع





العلم ماكو سياره مو دايسه عليه ومتقطع :((((





والازدحااااااامات واي واي وانا حدي خايفه كل شوي اشوف الباب



مسكر والا لا اخاف احد يبطله ويرشني واصير بابا نويل



بس الحمد لله ما حاشنا ولا شي انحشنا



رحنا سوق المباركيه وشريت كل شي على علم الكويت حتى شباصات ;p



المهم رديت البيت والا امي جدامي اشوفها تتحلطم



والا مخالفين اخوي عشان سيارته مظلله



وطبعا اخوي اكيد ماكو مسيره باجر ;p



الوالده بدعت خذت مفتاح سيارته



-------------------------


طبعا انا قاعده اليوم فبيت رفيجتي


والا الحريم يتحلطموون



الاولى تقول وين قاعدين الشباب يرقصون


الثاني تصفق وتقول اي والله حتى البنات ينزلون من السياره ويرشون هذا الفوم


المفرووض ماكو مسيره



جان اقول لهم



ليش يبا العيد الوطني حق الكبير ولصغير



حق البنت والولد



وهذه عيد الوطني والتحرير والكل يفرح



مو عاجبهم كلامي مصممين ما يبون مسيره



مع ان انا اشوف ان وايد وناسه لكويت كلها تلتقي بشارع واحد



وفرحتنا وحده



انا مارحت المسيره :(ولا شفت شي يقولون المسيرات بصبحان؟؟


صج؟؟رحتوا والا لا؟؟



ادري قرقت قلت اغير مجال السياسه وادخل بالوناسه شوي



اتمنى لكم اجازه سعيده وعيد وطني اسعد انشالله



strawberry











14 comments:

Kuwait said...

يعطيج العافيه على البوست الحلووو ..
لوووووووووول اخوج الله يهداه ما يشوف الدوريات هالايام مكودين بالشوارع ليش يروح صوبهم وهو عارف نفسه مخالف :P
اما بسالفة المسيرات بصبحان ما انصحج والله اتعب واقولج ناس مو صاحيه على ما سمعت
اخت رفيجتي راشينها بهذا الي يحت الشعر راحوا حواجبها المسكينه وعيونها التهبت ماسوت عليها ..
احنا حتى لو مرينا نو وي ننزل والا نبطل جامه والا باب :)
والا رفيج ولد خالي حادر من الشاليها والا تصكه المسيره مالت الشاليهات وكشف سيارته معلق مو راضي يتسكر فزفهم عشان ما يرشون عليه فومات ويخربون سيارته قاموا واحذفوا عليه بالون انبطت عينه ودم ودنيا وانقلوه العدان :(
مو جذي الناس تفرح على حساب غيرها !!
المفروض كل واحد يستانس بحدود وبدون ما يتعدى على غيره او يضايق غيره
قواج الله حبوبه
ولا تحرمينا من مواضيعج الكوول
تقبلي مروري
kuwait

Kuwait said...

woooooooow
انا أول وحده :P

strawberry said...

kuwait
لوووووووووووول انا مارحت المسيره اخاف على حواجبي :p

باجر اييكم والا باقي شعره وحده براسي ما تسووى

اما رفيج ولد خالج بدع حده لوووول سلامات انشالله
اي والله المسيرات حدها تغيرت نير وماي وسوالف الواحد ما يحب يذكرها
اي والله بس وين اللي يسمع لازم يرفعون المشاشات ويضايقون الناس على قولتج

اي انتي اول كووووومنت ولي الشرف انج اول وحده

Unknown said...

يعطيج العافية والصراحة زين سويتي بس ديري بالج لا تندعمين
:)

strawberry said...

mishari

enshallah na9e7tk 3ala rasy

Aldenya said...

الحمدلله
انه يوم شلتي العلم
ما إلحقوج اليهال وغرقوج رغوة

:>

وتصرف شين للشرطة اللى اذا شافوا العلم وماشالوه

strawberry said...

eldnya
e wallah law `3rgoony 7aztha mara7 adry shno asaowy

3adt 3ala 5er

Barrak said...

الف اصلي وسلم عليك
ياحبيب الله محمد

strawberry said...

barak
looooooooooooooooooooooooooooooooool 7elwa menk

Eng_Q8 said...

العلم ينداس والشرطه يطالعون

لا حول الله

المهم ابي شباصه :p

strawberry said...

eng_q8

sheft shlooon :(( yallah ma 3aleh e7na fena el5er

9damtny ;ppp
shaba9a bas??
afa 3alek shaba9a o0 shaba9ten o0 thalath e5thhom kelhom cham eng_q8 3endna

Shaima'a Alkandari said...

بوست حلو ممتع يونس

احنا حاشتنا الزحمه لان طلعنا من الموفمبيك ورحنا مرينا بنشوف فلم ون مسج وجان زين مارحنا طلعنا من الفندق الساعه اربع ونص لان الفلم يبدي ست ووصلنا مرينا الساعه ست الا ربع وبعد ماخلص الفلم طلعنا وقعدنا بالزحمه قولي طلعنا ثمان وصلنا موفمبيك البدع الساعه 11 ونص مصكرين الشوارع ولويه وحده البحر فلم صاير

Shaima'a Alkandari said...

وي نسيت شي اقوله

فيج الخير قمتي شلتي العلم احسن من هالشرطه اللى ماهمهم العلم الحمدلله والشكر

strawberry said...

shaym2

thanx baby 3ala martch el7elwasaoway kelshay feny ella eny amer belza7ma

alla y3ench wallah yomha a7es ench tgolen chan zen ma 6al3t loool