يومياتي

اول اسبوع دوام حده لوعت جبد:(الجداول تتغير والمدرسين يتغيرون

وكل شوي من سكشن لي سكشن

وحدي ضايق خلقي ملل من اشكال البنات ملل من الروتين الخايس

ما يوزعون جداول ثابته لا يعلقونهم بالممرات

ولا تشوفون الازدحامات واللي تكتب واللي تنطر دورها وانا قاعده على

الكراسي انطرالزحمه تخف :((((

من الساعه 10 لي 12 ولي الحين ما خلصوا البنات من الجداول

اللي تصور الجدول واللي ما حلت لها السوالف الا عند الجداول واللي تاكل يم الجدول واللي

ماسكه تيلفونها وكركر وكركر يعني ما يصير يسوون هالسوالف الا عند لوحة الجداول

وانا حددددددي انبطت جبدي قلت ماكو الا ادش بينهم

يمكن يحسوون على دمههم

والله وقمت ورحت بينهم وجااااااااااااان زين ما رحت بينهم

افففف خلوني ساكته كااان يوم حددددددددددددده خايس

حاشني بيومها صداع وكنت اتمنى تحوشني نشله لأسباب عديده

وطول الاسبوع تغيير بالمحاظرات والمدرسين والبنات والكلاسات

لويه لويه وكل شوي مدرس يديد

المهم يوم الاثنين المحاظره الثانيه يانه مدررررررررررررس حده مادري شقول خلوني اقول لكم

سالفته

دشينا الكلاس والا اهو ناطرنا

ما سلم ولا قال شي

قال 3 دقايق تتأخرون امسح فيكم القاع لمدة عشر دقايق او عادي احذفج بقلم الصبوره @@

اكو مدرس جذي؟؟؟

يقول ان رضاكم ليس من غايتي رضيتوا والا كيفكم

شدعوه شاااد حليك

جان يقول اللي جدامكم يقصد نفسه

انه اهو الاول في.........ماراح اقول

واهو اللي مدرس........هم ما راح اقول

قلنا خوش الحين يدش بالموضوع الاساسي

شوي والا يسولف عن عايلته الكريمه

قلنا مو مشكله يالله الحين بغيير السالفه

ست دقايق جان يسولف عن الايدز لوووووووووول

وليييه انزين وبعدين

نبي نطلع

بعد ساعتين طلعنا

واليوم اللي بعده غبت

بالليل دقت رفيجتي جان تقول لي عندي لج خووووش خبر

جان اقول لها قولي

قالت لي يوم الخميس في رحلة حق حديقة الشعب حق كل معاهد التطبيقي

قلت اوكي راح اروح

داومت والا المعهد حده ازدحااااام ماكو مسافط

ليييييييييييش؟؟؟هني السؤال

لأنه بعد عمري طول العطله ما سوو مظلات ايام لشتا

وايام العطله حبووووووووا يلعوووزووونا ويشتغلووون ايام الدراسه طين وتراب ولويه وحدايد

افففف نسفط بعيد ونطقها مشي

حديقة الشعب

يوم الخميس قالوا لنا دفعوا دينار وربع وتلعبون 15 لعبه ابلاش

قلنا خوش والله تغيير جو دفعنا ووصلنا حديقه الشعب ودخلنا

نبي لعب اول لعبه صعدنا جان يقول ما يصير لازم فلوس @@

رحنا اللعبه اللي بعدها قالوا صيانه@@

اللعبه اللي بعدها قالوا مو مشموله بالتذكره @@

هااااا عيل شنسوي بس جذي نحوووووووس

طبعا انا قعدت اضحككك

لأن من اول يوم احنا مو مترقعين

رحنا سكيتنق

طبعا انا ما اعرف حق شي اسمه سكيتنق

والبنات يالله يالله نبي كلنا نصور واحنا بلسكيتنق

والثانيه تقول لي والله سهل بس حركي ريولج جذي

والثالثه تقول لي انتي تمسكي فيني وما عليج

والله ما مداني اووصلل لها سحبت بلوزتها جان تقلب على ظهرها وانا

زلقت :(((((

صورونا :((((

والمره الثانيه يايه بتشيلني جان اسوي شقلبه بالهوى لووول

واطيح على ظهري :((( قلت خلاااااااااااص مابي ابي الباب ابي اطلع

تكفوووووووون

المهم ردينا المعهد الساعه 2

بنروح بيوتنا والا نشوف ازدحام بنات متيمعين سألناهم شصاير

جان يقولون لنا الجداول تغيرت :((((

وهذا حالنا ورديت البيت وانا ظهري متكسر

وحددددي يائسه من معهدنا

والمره اليايه اييب لكم صور مسافطنا

وازمة الازدحام

والله يستر من هالاسبوع

strawberry